Trajneri i Juventusit, Massimiliano Allegri deklaroi pas barazimit 1-1 ndaj Empolit se ata nuk mund të fitojnë çdo ndeshje.
“Ky është futboll, nuk mund të fitosh çdo ndeshje. Kartoni i kuq i Milik e komplikoi ndeshjen”-tha ai.
Në prononcimin për mediet, italiani theksoi edhe se Interi është favoriti për të fituar titullin këtë sezon, ndërsa shtoi se në sfidën e radhës do të luajnë kundër skuadrës më të fortë.
“Interi është favorit, duhet të jemi në mesin e katër më të mirëve në maj. Ne do luajmë kundër ekipit më të fortë, do të jetë mirë, por ata janë favoritët”-deklaroi Allegri.
