Skënderbeu gjen Klevis Shaqen për ndeshjen e nesërme ndaj Partizanit në orën 17:00 në Korçë.
Nga ana tjetër, duhet të heqë dorë nga Frenklin, sulmuesi, i cili që u kthye në pikë referimi për korçarët në ndeshjet e fundit.
Sulmuesi nigerian, i cili është edhe golashënuesi më i mirë i ekipit me 7 gola, do të qëndrojë rreth 3 javë jashtë fushave për shkak të tërheqjes muskulore që pësoi në ndeshjen kundër Dinamos.
Në këtë përballje nuk do të jetë i gatshëm as Rei Pecani, i cili vijon fazën e rikuperimit dhe stërvitet i veçuar prej ditësh. Këto do të jenë dy mungesat e vetme për trajnerin Gvozdenoviç në këtë ndeshje, i cili gjithsesi i gëzohet rikthimit të Shaqes.
Pjesa tjetër e ekipit është gati dhe nën urdhrat e trajnerit për të qenë pjesë e takimit të së dielës në Korçë.
