Trajneri i Inter Miami, Gerardo Martino nuk është i befasuar nga ndikimi i Lionel Messit në MLS dhe thotë se “dëshira e tij për të fituar” është po aq e fortë sa ishte te Barcelona.
Messi ka qenë një histori e madhe suksesi për Inter Miami dhe MLS që kur iu bashkua skuadrës pasi u largua nga Paris Saint-Germain verën e kaluar.
Pasi shënoi 15 gola, bëri gjashtë asiste dhe i ndihmoi ata të fitonin Kupën e Ligës sezonin e kaluar, trajneri Martino ka lavdëruar 36-vjeçarin.
Martino, i cili gjithashtu ka punuar me Messin gjatë periudhave të tij si trajner me Barçën dhe Argjentinën, u tha gazetarëve: “Numrat një ruajnë gjatë gjithë karrierës së tyre mënyrën se si konkurrojnë dhe dëshirën për të fituar pavarësisht se ku luajnë.
“Kjo është një cilësi e madhe e tij. Nuk po them se më befason sepse kjo është hera e tretë që punoj me të. Por sot e shoh ende në të njëjtën mënyrë si herën e parë te Barcelona, dëshirën për të fituar gjithçka”.
Messi jo vetëm që e ka përmirësuar shumë situatën e Inter Miamit, nga një ekip në fund të MLS-së deri te pretendentët e mundshëm për titull, ai ka rritur në mënyrë dramatike shikueshmërinë në kampionatin amerikan dhe ka qenë një sukses i madh komercial për klubin.
Inter Miami po përmirëson cilësinë e lojtarëve që nënshkruan, si Luis Suarez, dhe e ardhmja duket shumë e ndritshme.
