Kombëtarja e Kroacisë duhej të merrte pjesë në Kupën e Botës në Abu Dhabi nga data 22 deri më 26 mars, por sot Zlatko Daliç dhe kolegët e tij mësuan një lajm të keq.
Konkretisht, turneu është anuluar për një arsye të panjohur, dhe kjo në vetvete do të shkaktojë probleme të mëdha për Kroacinë kur bëhet fjalë për ndeshjet miqësore, duke pasur parasysh se turneu ishte paraparë të fillonte për nëntë ditë.
Kroacia duhej të luante kundër Tunizisë, dhe dyshja tjetër përbëhej nga ekipet kombëtare të Egjiptit dhe Zelandës së Re. Ndeshja për vendin e tretë ishte menduar të luhej më 25 mars, ndërsa finalja një ditë më vonë.
Pyetja është nëse arsyeja e anulimit të turneut do të shpallet për publikun, dhe Daliç dhe Kroacia janë në problem sepse duhet të organizojnë menjëherë ndeshje miqësore dhe sigurisht nuk ka shumë kundërshtarë sepse pothuajse të gjithë kanë siguruar përballjen e tyre.
Dalic për këto ndeshje ftoi 25 futbollistë dhe gjashtë lojtarë mbetën në rezervë. Mbledhja duhej të mbahej më 18 mars në Zagreb, por tani nuk dihet se çfarë do të ndodhë.
Daliç tha se ky turne ishte shumë i rëndësishëm për përgatitjen para Europianit dhe tani ka ngelur pa të.
