Legjenda e futbollit të Kosovës, i ndjeri Fadil Vokrri, është njeriu i parë që ia ka thyer turinjtë klubit famëkeq Cërvena Zvezdës së Beogradit.
Në majin e këtij viti, i ndjeri Vokrri, sa ishte presidenti i Federatës së Futbollit të Kosovës, nuk i kishte dhënë leje Cërvena Zvezdës që të vijë në Graçanicë dhe ta zhvillojë një ndeshje humanitare, sipas tyre, për bebet e Kosovës.
I ndjeri Fadil Vokrri
Për herë të parë iu thyen turinjtë Zvezdës në majin që e lamë pas. Zvezda sa herë vinte në Graçanicë, provokonte dhe ka pasur thirrje raciste të tifozëve serbë, duke shpalosur flamujt serb e intonuar himnin e Serbisë. Vokrri ia kishte treguar derën Zvezdës, se këtu ka shtet dhe nuk mund të vijnë më, si herëve të kaluara.