Pas Prishtinës edhe klubi i hendbollit Besa Famgas nga Peja (meshkuj), kampion në fuqi, janë të gatshëm që ta vazhdojnë kampionatin, por pejanët kërkojnë që të jetë me play-off.
Besa i prinë renditjes me 36 pikë, ka katër pikë më shumë se Prishtina në vendin e dytë pas 18 jave në Superligën e Kosovës.
Sekretari i klubit të Besës, Arben Gashi, tha se kampionati duhet të vazhdojë me play-off.
“Klubi i hendbollit Besa Famgas nga Peja është e gatshme ta vazhdojë kampionatin pas një ndërprerje, që e dimë të gjithë.
Ne jemi që kampionati të vazhdojë me play-off, si dhe të zhvillohet Final Fouri, Kupa e Kosovës”, tha Gashi për gazetën kombëtare “Bota sot”.