Një ngjarje që nuk harrohet kurrë por që do të mbetet në historinë tonë, kur për herë të parë kombëtarja e Kosovës U-20 në hendboll për femra, u përcjellë fije e për nga xhandarmëria serbe.
Me 22 mars të vitit 2018, kombëtarja e Kosovës futet në territorin e Serbisë dhe aty iu garantua siguria e plotë nga Ministria e Punëve të Brendshme serbe.
Shihet edhe në foto, mbi urë policia serbe e armatosur deri në dhëmbë, vëzhgonte situatën kur kaloi kombëtarja jonë atëkohë.
Në Serbi me 22 mars 2018
Ka pasur edhe snajper nëpër ndërtesa duke siguruar kalimin e kombëtares tonë dhe deri te futja në kompleksin Kovilovo, 12 kilometra larg Beogradit, ku ishte e paraparë të luheshin ndeshjet kualifikuese për Kampionatin Botëror U-20 ndërsa si ndeshje e parë ishte Serbia U-20-Kosova U-20, por nuk u lejua të zhvillohet, pas ndërhyrjes së ashpër të Qeverisë së Serbisë.
Kualifikueset nuk u mbajtën të grupit ku ishte Kosova.
Kosova dhe kombëtaret tjera u kthyen nëpër shtëpi, ndërsa Federata e Hendbollit e Serbisë u dënua nga EHF-i me 15 mijë euro dhe për dy vite nga organizimi i garave nacionale. Selektori i kombëtares së Kosovës, Faruk Shala, ndihej krenarë që e mbajti stërvitjen e parë me vajzat e tij në Kovilovo dhe ajo ishte stërvitja e parë e kombëtares tonë në shtetin serb.