Të martën në lokalet e Federatës së Hendbollit të Kosovës është tërhequr shorti për edicionin 2020/2021 në Ligën e Parë të Kosovës në hendboll.
Shorti është tërhequr për të dy konkurrencat. Garat në Ligën e Parë te hendbollistët dhe te hendbollistet fillojnë më 17 tetor.
Ndeshjet e javës së parë në Ligën e Parë të hendbollistëve janë: Lepenci – Rahoveci, Drita – Dukagjini, Deçani – Vjosa, Ulpiana – KEK-u, Samadrexha – Istogu.
Në Ligën e Parë të hendbollisteve në javën e parë janë këto ndeshje: Dukagjini – Deçani, Llapusha – CLICK, Prizreni – Trepça. Pushon Ulpiana.
