Personat zyrtar të Federatës së Hendbollit të Kosovës kanë nisur me ndeshje evropiane për vitin 2021.
Të dielën të deleguar në ndeshje të garave evropiane ishin gjyqtarët Eshref Beqiri e Ilir Krasniqi.
Ata në Antalya të Turqisë e drejtuan ndeshjen e 1/8 së finales të Kupës Evropiane në konkurrencë të femrave në mes të dy skuadrave turke, Muratpasha Belediyesi dhe Yalikavaksports Club. Fitore shënoi Yalikavaksports, që avancoi tutje, pasi kishte fituar edhe ndeshjen e parë.
Delegime tjera priten për gjyqtarët dhe delegatët kosovarë në gara evropiane. Ata janë thuajse të rregullt në skenën evropiane.
