Tri humbje rresht janë kulmi për një ekip me renome siç është Kastrioti nga Ferizaj (meshkujt).
Një klub i traditës që nuk i ka përmbushur objektivat në 13 ndeshjet e para, ka 6 fitore e 7 humbje në elitën e hendbollit të Kosovës. Tri humbjet e fundit, si mysafirë nga Trepça (26:23), si vendas (34:40) nga Prishtina dhe në konak të Rahovecit me rezultat 32:28, janë shqetësuese edhe për kryetrajnerin Blerim Beqiri.
A është rasti i fundit për Blerim Beqirin sfida e sotme kundër Deçanit, në palestrën e sportit “Bill Clinton” në Ferizaj.
Fitore o dorëheqje, katër humbje rresht do të janë katastrofë për një klub që ka ambicie të jetë në top katërsh.
Kastrioti renditet në vend të pestë me 12 pikë, ka 4 katër me pak se Rahoveci një pozitë më lart dhe Deçani është i teti me 8.
Blerim Beqiri është as në tokë e as në qiell, sonte ka ndeshje shumë të rëndësishme, humbja e katërt rresht kërkon analizë nga një kryesi nëse ka guximin të merret me analizë të thellë: A është fajtor trajneri apo kryesia tërësisht për mos suksese?