Të gjithë duam të shkojmë atje - Bota Sot
Të gjithë duam të shkojmë atje

Kultura

Të gjithë duam të shkojmë atje

Nga: Zymer Mehani Më: 22 janar 2020 Në ora: 10:43
Zymer Mehani

I

Në kujtimet tona ka mbetur

Si lot

I kulluar

I dëlirë

Ky truall amtar

I ngjyer

I bekuar

I ushqyer

Dhe i larë

Me gjakun arbëror

Të bijve tanë dëshmorë

E ty, trualli ynë

Eshtrat ta ruajnë krenarinë

Zemrat guximtare

Ty ta shtojnë fuqinë

E gjaku ynë i derdhur

Ta ruan njomësinë

Shpesh ty barbarisht

Të sulmuan

T’u turrën

T’u vërsulën

Por kurrë s’të përulën

Dhe pas shpine të gjuan

Por dot s’të gjunjëzuan

Gjatë shekujve qëndove

Dhe në fund triumfove

II

Merre timin gjak
e dehu
Plagë duke shëruar
Dhe trupin tim merre
e përdore
Si varkë për të lundruar
Merre timen zemër
e shfrytëzoje
Porsi orë
Të tërin më merr
Për ty Atdhe….
Bëhem theror

Sot mund të lexoni Shfletoni kopertinat