Qemë mësuar të ikim
Shpeshherë nga shtëpia,
Kësaj radhe karshi
Na del pandemia!
S'na lë as vikendeve
Të dalim në piknik,
T'i harrojmë dëfrimet
Malit me muzikë!
Kështu qenka shkruar
Në çdo një qind vjet,
Për t'i larë kusure
Më këmbët përpjetë!
Ky virus i keq
Me emrin Korona,
Nuk largohet lehtë
Nga rajonet tona!
Në luftën frontale
Ndesh me pandeminë,
Jo vetëm shtëpitë
Kthehen n'karantinë!
Caktohen dhe masa
Të tjera mjekësore,
Duke mos harruar
Dhe ato ligjore...
Nëse nga kjo luftë
Nuk nxjerrim mësim,
Shpejt do të shkojmë
Të gjithë n'izolim!
Ngase marifetet
S'na hyjnë në punë,
Sepse na rruan dreqi
Pa ujë dhe sapun!
Dhe për fund kujdesi
Mos t'harrohet kurrë,
Jeta nuk na qenka
Thjesht një aventurë!