Duke marrë shkas nga një status në fb i Dodë Doçit, birit të shquar lurian, për nënën e tij.
“Nëna është qiriri që djeg vetëm për të na ndriçuar jetën tonë”
Dodë Doçi
Fjalë të arta ke thënë, o Dodë Doçi,
Fjalë që s’i luan topi, s’i tret dheu,
Nëna është dashuri në këtë botë,
Na mban gjallë siç toka mban Anteun.
Nëna juaj është oaz paqeje e mirësie,
Asgjë në kandar nuk peshon sa fjala nënë,
Nëna juaj është burim i freskët lumturie,
Është bekim i zemrës që Zoti falas na ka dhënë…
Nëna juaj të rriti dhe të dha modelin e saj,
Modeli i mirësisë dhe bujarisë që s’njeh kufi…
Fjala nënë e dritëzon botën skaj më skaj,
Është një planet vezullues që përcjell veç dashuri…
Nëna është ai qiriri që ti me të drejtë thua
Që digjet të ndriçojë përjetë rrugën tonë…
Është e vetmja dashuri që na është premtuar
Dhe gjithëkush e merr falas, herët apo vonë…
Edhe 100 vite nëna juaj, nënë bujare,
Që të lindi e të rriti me krenarinë luriane,
Paqa qoftë me të gjitha nënat shqiptare,
Me të gjithë bijtë e shqipes iliriane…