Nëse jetova
Jetova për ju
Engjëjt e mi
E botën kam në duar
Nëse u rrezova
U ngrita për ju
O shpirtat e mi
Nëse u vrava
S’kam menduar
Nëse më lënduan pa të drejtë
Për ju kam heshtur e duruar
Nëse punova shumë në jetë
Punova e jetova veç për ju
O yjet e mi
Me ju zoti me ka bekuar
Hallet pa fund le të jenë
Një gjë mos të harroni
Askush në botë s’të bëhet nanë
Ajo është bekuar nga zoti
O engjëjt e mi a të një nane tjetër
Çfarë rëndësie ka
Ju të respektoni nanat më patjetër.
Se bekim ma të madh nuk ka
Nëse unë një ditë do jem e vdekur
Ju lutem mos më qani
Por mendoni çfarë kam hequr
Sa m`u dogj zemra e xhani
Eh,dritat e syve të mi
Sa shumë ju dua ju
Çdo çast minut e sekond
Është një jetë për mu
Nga ju më u larguar
Nuk shkruaj unë po shkruan loti im
Sa herë kujtoj si ju kam rritë
Me aq vuajtje e sa mundim
Veç zoti i madh e ka ditë
Eh ,dhimbjet e shpirtit tim
Kush m`i shëroj vallë
Puthja jote biri im
E embël porsi mjaltë
Dhe kush ma fshin lotin në faqe
E zemrën ta kënaq me dashuri
Askush përveç teje moj manushaqe
Bija ime ma e bukura je ti
Vuajtjet i lash në njerën anë
Mendova vetëm një dëshirë
Luta zotin si një nanë
Që juve të ju kem mirë
Nuk ka kuptim që poezia ime
Veç për mua të jetë
Dëshira ime është e madhe
Që çdo nanë brenda saj të jetë
Se ne nanat meritojmë respekt .
