Mall
mall kam për fikun
mall kam për mikun
mall kam për flokun
mall kam për shokun
mall kam për lodrën
mall kam për kodrën
mall kam për gushën
mall kam për fushën
mall kam për fyellin
mall kam për pyllin
mall kam për gjumin
mall kam për lumin
mall kam për ëndrrën
mall kam për këngën
mall kam për dardhën
mall kam për arën
mall kam për ngjalën
mall kam për fjalën
mall kam për tokēn
mall kam për Loken
mall kam për zgjimin
mall kam për kthimin
mall kam pēr ty
mall kam për sy....
Buzet tua
a jane buzet tua apo kokrra qershije
te lengshme te skuqura si ne fund qershori
kush i shijon vec pak si ne enderr magjije
embelsine e shpirtit e ndjen tek kraharori...
Mos
mos e errëso ëndrrën në bulim
mos e harro fjalën e dhënë
digjet loti në bebzë të syrit tim
shuhet mall i ndezur në shpirtin tënd...
Elegji për mërgimtarët dhe për vete
kushëriri më thotë mendo pozitivisht
se do bëhet mirë e ne do kthehemi
në atdheun tonë dhe të të parëve tanë
e unë tastierën e ndrydh me gisht
dhe e kuptoj se kot po mashtrohemi
nuk jemi më njëzetë vjeçarë
po shkelim ngadal në dekaden e shtatë
njëzetë vjeçarë tash janë bijtë nipat e mbesat
ata janë ylberë ata janë meteorë
veç gjuhën e nënës e flasin me zor
kur flasin sikur i ndrydhë diç në kraharor
ne mund të kthehemi dhe do të kthehemi
të shtrirë sa gjërë e gjatë në arkivol
kur për asgjë më s‘mund të rrëfehemi
kur askush nuk na pret as s‘na përshëndet me dorë
përveq varrtarit që hap varrin e qesh
ky jetuar paska kot dhe shkuar paska për lesh...
