Tërë muajin që shkoi
Asnjë ditë nuk e huqe
Ag e terr në kafene
Herë raki- herë verë të kuqe
E sot në mëngjes herët
Edhe vendin e ndërrove
Në xhami në rend të parë
Afër hoxhës si qëllove
I pispillosur dhe veshur
Madje me shumë shije
Vështirë e ka psikologu
Ty të të bjerë në fije
Nuk ndalesh së betuari
“ Pasha këtë ditë “
E ke fituar bindjen
Që kalon cdo sitë
Shpesh edhe daklarohesh
Që ta kanë shumë inat
Kur e citon slloganin
Njërën borxh, tjetrën zanat.