270 nxënës janë larguar nga Testi i Maturës për shkak të përdorimit të telefonave - Bota Sot
270 nxënës janë larguar nga Testi i Maturës për shkak të përdorimit të telefonave

Lajme

270 nxënës janë larguar nga Testi i Maturës për shkak të përdorimit të telefonave

Më: 1 korrik 2019 Në ora: 11:46
Shyqiri Bytyqi ka mbajtur sot konferencë për media

(E plotësuar) - Ministri i Arsimit, Shkencës dhe Teknologjisë, Shyqiri Bytyqi, ka mbajtur sot konferencë për media ku ka bërë publikimin e rezultateve të Maturës Shtetërore 2019 të afatit të parë, sipas të cilave këtë vit kalueshmëria ka arritur shifrën 64.64 për qind.

Ministri Bytyqi e ka cilësuar testin e sivjetmë si më të suksesshmin sa i përket mbarëvajtjes dhe monitorimit.

Për këtë arsye ministri thotë sivjet rezultati i kalueshmërisë është më i ulët.

Bytyqi: Për shkak suksesit në monitorim, kemi kalueshmëri më të ulët

“Është një lajmi mirë që këtë vit kemi pothuajse një test të maturës i cili ka qenë më i suksesshmi në monitorimin dhe mbarëvajtjen e tij, pra edhe kjo është arsyeja që na bën që sot të jemi më mirë në krahasim me shumë periudha që ka pasë kontestime të mëdha për testin e Maturës. Normalisht duke pasë parasysh që është bërë një punë më e madhe për mbarëvajtjen e testit ë maturës këtë vit kem k edhe rezultate më të ulëta në krahasim të vitit  të kaluar nga ana e kalueshmërisë dhe arritshmërisë”, tha Bytyqi.

Ai bëri të ditur se mësimi në gjuhën shqipe ka kalueshmëri 64.40 përqind, mësimi në gjuhën boshnjake 85.43 përqind dhe mësimi në gjuhën turke 69.47 përqind. E në total kalueshmëria ka arritur shifrën 64.64 përqind.

Ministri gjithashtu njoftoi se janë marrë masa ndaj të gjithë shkelësve të rregullave që janë përcaktuar nga Komisioni Shtetëror i Maturës.

Bytyqi: 270 nxënës janë larguar nga testi për shkak të përdorimit të telefonit

“Kemi një numër  të caktuar, të përjashtuar të nxënësve për shkak të përdorimit të telefonave në kohën kur është mbajtur testi. Numri i nxënësve të cilët janë larguar kemi 270 nxënës. Poashtu vlen të theksohet se është marrë informacioni për një klasë ku konsiderohet që ka pasë kopjim të testit të maturës. Bëhet fjalë për shkollën ‘Don Bosko’ në Gjilan te klasa Xll a për të cilën Komisioni Shtetëror ka marrë vendim të ripërseritet testi dhe testi do të mbahet me datën 3 korrik në orën 10:00”, tha Bytyqi.

Ai njoftoi se Komisioni Shtetëror ka marrë masa edhe ndaj mësimdhënësve ose administratorëve të cilët nuk e kanë kryer detyrën ashtu siç është e përcaktuar.

Tha se janë 5 administrues që janë përjashtuar përjetësisht nga pjesëmarrja në Testin e Maturës dhe janë dënuar me 300 euro dënim shtesë, si dhe 3 administratorë janë dënuar me mos ushtrim të Testit të Maturës.

Bytyqi tha se këtë vit  MASHT-i ka ndarë certifikata për nxënësit që e kanë kaluar Testin e Maturës.

***

Ministria e Arsimit, Shkencës dhe Teknologjisë (MAShT) ka publikuar rezultatet e testit të maturës.

Kalueshmëria në total e testit ka qenë 64.64%, ndërsa klasa XII-a nga shkolla Don Boko në Gjilan do ta përsëritë pjesën e parë të testit.

Ministri Shyqiri Bytyqi, tha se këtë vit procesi testues ka qenë më i mirë se në vitet e kaluara.

“Mbarëvajtja dhe monitorimi i testit të maturës këtë vit ka qenë më e mirë se viteve të kaluara”, ka thënë Bytyqi.

Ndërkaq, pesë administrues janë dënuar me mo sushtrim të përhershëm dhe me kundërvajtje prej 300 euro dhe tre administrues janë dënuar me mos ushtrim të përhershëm.

Shfaq komentet
comments powered by Disqus
Sot mund të lexoni Shfletoni kopertinat