Presidenti i Republikës Ilir Meta shfaqet këtë herë duke notuar në një liqen mes malesh në Kosovë, ku po kalon pushimet me familjen.
Bëhet fjalë për liqenin e Jazhincës në malet e Sharrit në Kosovë, një nga bukuritë natyrore të rralla të vendit.
“Të dashur miq! Një mrekulli e veçantë këtë herë ishte të zbuloja dhe të notoja në Liqenin e Jazhincës, një monument i rrallë natyror 2180 metra mbi nivelin e detit”, shkruan Meta.
Liqeni i Jazhincës ka ngjyrë të errët të gjelbër sikur safir dhe është i rrethuar nga shkëmbinj të mëdhenj. Gjatësia e përafërt e tij është 120 m dhe gjerësia e përafërt 80 m, me thellësi të madhe. Me ujë tepër të ftohtë, liqeni është i papërshtatshëm për not, edhe pse ka edhe të tillë që marrin guximin për t’u futur në të.
Videon mund ta shikoni duke klikuar në këtë LINK.
