Mediat në Serbi tallen me Vuçiqin, shkruajnë se Merkel ia ngriti gishtin e mesëm për Veriun - Bota Sot
Mediat në Serbi tallen me Vuçiqin, shkruajnë se Merkel ia ngriti gishtin e mesëm për Veriun

Lajme

Mediat në Serbi tallen me Vuçiqin, shkruajnë se Merkel ia ngriti gishtin e mesëm për Veriun

Më: 25 gusht 2019 Në ora: 12:25
Mediat në Serbi tallen me Vuçiqin, shkruajnë se Merkel ia ngriti gishtin e mesëm për Veriun

Çështja e shkëmbimit të territoreve ndërmjet Kosovës dhe Serbisë është kundërshtuar fuqishëm dhe në mënyrë të vazhdueshme nga kancelarja gjermane, Angela Merkel.

Madje kundërshtimi i saj është edhe një prej arsyeve se pse ka dështuar plani i Vuçiqit dhe Thaçit për shkëmbim të territoreve, ku përflitej se Kosova do të jepte tri komunat veriore në këmbim të marrjes së Luginës së Preshevës.

Megjithatë një pazar të tillë me territore e ka stopuar Gjermania e Merkelit, e cila po i kërkon vazhdimisht Serbisë që të rikthehet në dialog dhe që të harrojë pazaret me territore dhe marrjen e veriut të Kosovës.

Ndërkohë se s’ka asgjë nga ideja për korrigjim të territoreve e ka pranuar edhe vetë presidenti i Serbisë, Aleksander Vuçiq.

E duke parë gjithë këtë kundërshtim të kancelares gjermane, sot ‘ Srpski Telegrafi’ serb në gazetën e përditshme të tyre i kanë kushtuar një vizatim montazh, ku Merkel shihet teksa i tregon Vuçiqit gishtin e mesëm për pjesën veriore të Kosovës.

Fuqitë perëndimore janë duke i bërë presion të madh Serbisë që të rikthehet në dialog për të arritur një marrëveshje finale që do të rezultonte me njohje reciproke.

Një kërkesë të tillë ia ka drejtuar edhe Sekretari Amerikan i Shtetit, Mike Pompeo, Aleksander Vuçiqit, gjatë vizitës së këtij të fundit në Washington.

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...