Gazeta kombëtare “Bota sot”, po vazhdon të thyejë rekorde me faqen e saj online.
Duke iu referuar Google Analytics (instrumenti më i saktë i matjes së audiencës), portali botasot.info, gjatë këtij muaji (mars), ka pasur numër rekord të lexuesve.
E veçanta e këtij muaji, është që portali botasot.info, gjatë tërë muajit ka pasur mbi një milion lexues në ditë, derisa vitet tjera, këtë shifër e kishte arritur tre ose katër herë në vit.
Ndërsa, ditën e premte (20 mars), “Bota sot” ka thyer rekordin e saj, pasi është klikuar mbi 2 milionë herë në ditë.
Saktësisht të premten, “Bota sot”, është klikuar 2.016.643 herë brenda 24 orëve, duke shënuar kështu rekord të saj në lexueshmëri.
E gjithë kjo vjen pas një pune dhe angazhimi të palodhshëm nga i gjithë stafi gazetës “Bota sot”.
Portali i gazetës kombëtare “Bota sot”, gjatë gjithë kohës ka dëshmuar se është ndër mediat e para në raportimin e lajmeve profesionale, të sakta dhe të paanshme. Së bashku me ju lexues që i qëndroni besnik gazetës sonë, ne vazhdojmë rrugëtimin drejt sukseseve të reja.