Presidenti i Kroacisë, Zoran Milanoviq, duke iu referuar zgjerimit të Bashkimit Evropian në Forumin Botëror të Liderëve në Nju Jork, vlerësoi se jo të gjitha vendet e Evropës Juglindore e kanë motivimin e nevojshëm për t’u anëtarësuar në BE. Sipas tij, Milanoviq tha se për Serbinë pengesa më e madhe në rrugën e anëtarësimit është presidenti Aleksandar Vuçiq, për të cilin tha se “është një nga nxitësit më të shquar të luftës në vitet ’90”.
E Vuçiq edhe njëherë i është kundërpërgjigjur Milanoviqit, për të cilit thotë se është i shqetësuar për dominimin serb.
“Për shkak se ai ishte i befasuar nga përparimi i fortë i Serbisë, atëherë Vuçiq u bë një horr”, tha Vuçiq.
“Pse kemi 122 tekste në shtypin kroat sot, ata janë të shqetësuar sepse dominimi i tyre i plotë në Ballkan nuk është më, siç ishte gjatë kohës së disa presidentëve të tjerë të Serbisë. Unë nuk dua t'u kthej fyerje atyre”, shtoi Vuçiq, shkruan index.hr, përcjellë “Bota sot”.
Duke folur për situatën në veri të Kosovës, Vuçiq thotë se do ta njohë "politikën e Kosovës për një akt të përfunduar" vetëm me një kusht.
"Çfarë ka bërë Serbia, për çfarë duhet të flasim? Ata kanë lëvizur përsëri kufirin dhe po ndjekin një politikë të një akti të përfunduar ... Mos humbni kohë, nuk ka forcë që do të më detyrojë ta bëj këtë. Para kësaj, ju duhet të dorëzoni Bashkimin e Komunave Serbe”, deklaroi presidenti serb, Aleksandër Vuçiq.
