Dy vajza, 19 dhe 23 vjeç, përfunduan në gjendje të rëndë në spital pasi përdorën fshesën me korrent për t’i ndërprerë periodat para kohe.
Një prej infermiereve të spitalit në Seattle, qytet në Washington, konfirmoi lajmin se vajzat kërkuan ndihmë të specializuar mjekësore si pasojë e realizimit të një teknike të vjetër dhe të rrezikshme.
Infermierja tha se vajzat e moshës 23 dhe 19 vjec, kishin shkuar në gjendje shoku në spital, pasi metoda që donin të përdornin për ndalimin e gjakderdhjeve, në fakt kishte bërë që atyre ti vinte një sasi shumë e madhe gjaku.
Ajo shtoi se gjatë ditëve të menstruacioneve, trupi humb gjak në sasi të konsiderueshme për t’u përballuar nga gratë. Përdorimi i forcave thithëse rrit rrjedhjen e gjakut deri ne 1000 herë, duke shkaktuar një gjendje shoku.
Ekstraktimi menstrual – i njohur si metoda ME – është një teknikë jomjekësore e përdorur nga gratë kryesisht rreth viteve 1970 për të abortuar me ndihmën e gypave thithës, shiringës dhe një kavanozi.
Një metodë e tillë konsiderohet tepër e rrezikshme nga mjekët pasi shkakton gjendje shoku, dëmtime vaginale si edhe pasoja fatale për jetën.
