Fotografitë e fëmijëve të cilat nuk duhet t’i postoni në rrjetet sociale - Bota Sot
Fotografitë e fëmijëve të cilat nuk duhet t’i postoni në rrjetet sociale

Life style

Fotografitë e fëmijëve të cilat nuk duhet t’i postoni në rrjetet sociale

Më: 21 korrik 2019 Në ora: 13:05
Ilustrim

Dhëmbi i parë i fëmijës tuaj, fjala e parë, mimika e parë e çuditshme, të qeshurat, janë këto disa nga momentet që me patjetër doni t’i ndani me shokët tuaj në rrjetet sociale.

Nën “ankthin” për të kapur çdo moment të fëmijës tuaj, ju e filmoni dhe e fotografoni atë me mijëra herë dhe pa e menduar shumë gjatë, i ndani ato në Facebook dhe në rrjete të tjera sociale.

Por, për pasojat e këtyre postimeve jo shpesh herë mendoni.

Më poshtë janë të radhitura disa arsyje pse nuk duhet të postoni gjithcka në lidhje me fëmijët tuaj.

Foto nga dushi

Çdo foto e fëmijës suaj pjesërisht ose tërësisht e zhveshur nuk është mirë që të publikohet. Për ju mund të jetë një moment i dashur, por mund të bjerë në duar të gabuara si ato të pornografëve. Kështu që për sigurinë e fëmijëve tuaj mos i postoni këto foto.

Kur janë të sëmurë

Si prindër, mbrojtja e fëmijëve është detyra kryesore dhe nuk duhet të përfitoni prej tyre. Përpara se të postoni foto të tilla pyesni veten nëse do ju pëlqente që dikush të postonte një foto tuajën në atë gjendje.

Foto që i vënë në siklet

Foto të tilla mund të kenë efekt shkatërrues për fëmijët. Jo vetëm që shkel besimin mes prindërve dhe fëmijëve, por shkakton çrregullime stresi post-traumatik, depresion dhe ankth.

Foto nga uturaku

Mos harroni se çdo gjë që postohet në internet zgjat përgjithmonë dhe ndoshta fëmijës suaj nuk do t’i pëlqente të shikonte një foto të tillë kur të rritet.

Detajet private

Mbajini fëmijët të sigurt duke mos ndarë kurrë emrat e tyre të plotë, adresat, ku shkojnë në shkollë, adresën ku i mban dadoja etj.

Foto në grup

Nëse vendosni të ndani fotot e fëmijëve tuaj në internet, kjo është zgjedhja juaj. Por, duhet të bëni kujdes me fotot ku ka edhe fëmijë të tjerë pasi ju nuk keni të drejtë të merrni këtë vendim për ta.

Kujdes bullizmin

Tregohuni të vëmendshëm, sepse mund të ketë foto që nxjerrin në pah ndonjë dobësi të fëmijës suaj dhe kjo mund të bëhet objekt që ta tallin në shkollë, kopsht etj.

Aktivitete të pasigurta

Foto me një gotë alkool ose cigare në dorë? Mos i postoni këto foto në rrjete sociale sepse përcillni mesazhe të gabuara dhe nxisni diskutime që do t’ju lëndojnë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...