Sekretet e bukurisë së përjetshme dhe për të qëndruar gjithmonë të rinj vijnë nga Lindja. Gratë japoneze, shquhen për arritjen në moshën e tretë me një pamje të përsosur: lëkurë kompakte dhe të ndritshme, pak rrudha dhe një fizik të lakmueshëm. Por cilat janë sekretet e kësaj rinie të përjetshme? Le ta zbulojmë së bashku.
Oriz, sa më shumë të hani aq më të bukur bëheni
Që japonezët e duan orizin, kjo nuk është asgjë e re. Ajo që mund të mos dini është se ky ushqim është shumë i dobishëm për lëkurën tonë falë pranisë së fitoceramideve, substancave që ushqejnë dhe forcojnë shtresat e jashtme të epidermës.
Çaji jeshil, jo vetëm kulturë
Ne e dimë mirë se kultura e çajit i ka rrënjët në traditën Lindore. Sidoqoftë, ky nuk është një zakon i thjeshtë shoqëror, ky infuzion i fuqishëm në fakt, siç edhe shkenca konfirmon, sjell përfitime të shumta për trupin dhe mendjen.
Hidratimi
Nuk është sekret që një lëkurë e bukur, e tonifikuar dhe elastike duhet të hidratohet. Gratë lindore e dinë këtë dhe mesatarisht pinë rreth 2 litra ujë në ditë për të ruajtur një nivel adekuat të hidratimit, duhet t’i marrim shembull.
Oriz në fytyrë
Tashmë kemi analizuar vetitë e dobishme të këtij ushqimi për kujdesin e trupit. Sidoqoftë, gratë orientale jo vetëm që hanë oriz, por edhe e përdorin atë për të përgatitur maska për fytyrën, duke e kombinuar me qumësht dhe mjaltë. Rezultati? Një lëkurë e butë, e pastër, tërheqëse dhe rrezatuese.
Alga deti
Algat e detit paraqesin një pikë fikse në dietën e shëndetshme dhe të ekuilibruar të miratuar nga gratë lindore. Ky ushqim vlerësohet veçanërisht sepse lehtëson tretjen. Ai gjithashtu optimizon metabolizmin dhe pastron traktin tretës. Është gjithashtu i pasur me proteina, minerale, vitamina dhe fibra.
Furça
Kjo praktikë e përdorur çdo ditë për lëkurën vjen nga gratë aziatike. Me një furçë dhëmbësh me fije të buta, ato lajnë lëkurën e fytyrës për të promovuar qarkullimin e gjakut dhe hapin poret, duke i përgatitur që të thithin produktet e bukurisë që aplikojnë më vonë.
