Thinjat në moshë të re, ç’duhet të bëni në lidhje me to

Life style

Thinjat në moshë të re, ç’duhet të bëni në lidhje me to

Më: 11 qershor 2021 Në ora: 10:33
Ilustrim

Thinjat zakonisht shfaqen në një moshë të avancuar, por kjo nuk do të thotë se nuk mund të shfaqen në një moshë më të re. Ndërsa plakemi, humbasin melaninën që i jep ngjyrë flokëve duke bërë që të shfaqen thinjat, por kjo nuk është e vetmja arsye.

Trashëgimia

Trupi juaj është “programuar” gjenetikisht për t’u thinjur më herët dhe nuk mund të bëni asgjë.

Stresi

Stresi shkatërron gjithçka në rrugën e tij, përfshirë edhe ngjyrën e flokëve. Sipas studimeve, rritja e stresit shoqërohet, në shumë raste me shtimin e thinjave.

Sëmundjet autoimune

Këto sëmundje e bëjnë trupin t’i shpallë “luftë” vetes dhe një ndër pasojat është dhe melanina.

Tiroidja

Ndryshimet hormonale që ndodhin si rezultat i hipertireozës ose hipotiroidizmit ndikojnë në prodhimin e melaninës në trupin tonë. Prandaj, papritmas do të vini re se po thinjeni.

Mungesa e vitaminës B12

Mungesa e kësaj vitamine lidhet pazgjidhshmërisht me cilësinë e dobët të flokëve, por edhe me shtimin e thinjave. B12 është thelbësore për shëndetin e qelizave të kuqe të gjakut të cilat sjellin oksigjen në lëkurë dhe flokët tuaj.

Pirja e duhanit

Sipas studimeve, duhanpirësit janë të predispozuar të thinjen më shpesht sesa ata që nuk pinë.

Atëherë, çfarë mund të bësh?

Nëse shkak i thinjave është trashëgimia, atëherë fatkeqësisht nuk mund të bëni asgjë. Nëse dyshoni se keni një sëmundje autoimune, ka disa trajtime që parandalojnë thinjat. Lidhur me stresin, vitaminën B12 dhe pirjen e duhanit, nëse bëni gjithçka siç duhet, jo vetëm që mund të ndaloni zbardhjen e flokëve, por gjithashtu mund të riktheni ngjyrën e tyre.

Shfaq komentet
comments powered by Disqus
Sot mund të lexoni Shfletoni kopertinat