Më poshtë do të gjeni disa nga dhuratat e preferuara për çdo shenjë horoskopi. Ndaj, nëse keni ndërmend të blini ndonjë dhuratë së shpejti, mund të shihni këtë listë dhe të vendosni në varësi të shenjës së horoskopit të personit që doni të lumturoni.
Dashi – Pëlqejnë pamasë bizhuteritë, pajisjet elektronike dhe elementet që i ndihmojnë me gatimet në kuzhine.
Demi – Nuk janë shumë të dhënë pas dhuratave me vlerë të lartë material. Do të preferonin një triko të bukur, ose më mirë akoma, ta ftonit në shtëpi dhe të gatuanit për ta.
Binjakët – Edhe binjakët pëlqejnë shumë pajisjet elektronike. Mund ta shihni edhe vetë sa do të lumturohen me një orë elektronike, apo një smartfone.
Gaforrja – Pëlqejnë gjërat handmade dhe ato tradicionale. Ndonjë byzylyk i bukur, një shall apo një pulovër e thurur vetë do t’i lumturonin pamasë.
Luani – Pëlqejnë të duken paksa në shoqëri, kështu që nëse doni të surprizoni një person të shenjës së Luanit, mundohuni t’i blini një veshje sa më moderne dhe që të bjerë në sy.
Virgjëresha – Janë përgjithësisht persona të lidhur me shtëpinë, kështu që një pajisje për kuzhinën, apo një libër për ta lexuar në kohën e lirë, do u pëlqente pamasë.
Peshorja – Janë persona që e pëlqejnë shumë muzikën, kështu që një dhuratë që do të kishte për bazë muzikën do u pëlqente shumë. Ndoshta ndonjë biletë në koncertin e këngëtarit të preferuar.
Akrepi – Duke qenë një shenjë që pëlqen misterin, mundohuni të gjeni diçka të përshtatshme për ta. Një roman thriller, apo veshje të errëta do të ishin zgjedhje perfekte.
Shigjetari – Pëlqejnë udhëtimet dhe librat. Pra nëse mendoni të surprizoni një Shigjetar, një libër i bukur, apo ndonjë biletë udhëtimi, do t’i bënin realisht të lumtur.
Bricjapi – Edhe Bricjapi pëlqen të kalojë shumë kohë në shtëpi, kështu që ndonjë pajisje për të gatuar, apo një abonim në Netflix, do i gëzonte pamasë.
Ujori – Pëlqejnë shumë gjëra, ama mund të veçonim mbajtjen e trupit në formë. Një abonim në palestër, apo një set kozmetike për femrat, do të ishin zgjedhje ideale.
Peshqit – U pëlqen leximi dhe fotografia. Një set fotografik, apo një libër i vlerësuar, do i pëlqente shumë një personi të shenjës së Peshqve.
