Ministri i Punëve të Jashtme, Behgjet Pacolli e ka quajtur hap të rëndësishëm për gjithë rajonin, votimin e sotëm të Marrëveshjes së Prespës nga parlamenti grek.
“Mirëpres fuqishëm dhe e përshëndes ratifikimin e Marrëveshjes së Prespës nga Parlamenti i Greqisë. I duartrokas liderishipit të Kryeministrit, Alexios Tsipras, dhe të të dyja vendeve – për marrjen e vendimeve të guximshme për të ardhmen më të mirë të Greqisë dhe Maqedonisë. Ky është një hap i rëndësishëm për të gjithë rajonin”, shkruan Pacolli.
