Pas një ditë pauzë, Bojan Jovanovski nga burgu i Shkupit është transferuar në Prokurorinë për Ndjekjen e Krimit të Organizuar, për të parë argumentet ndaj tij në rastin “Haraçi”, pasi të hënën pikërisht për këtë arsye refuzoi të jep dëshmi.
Sot ai pritet t’i shqyrtojë provat e Prokurorisë kundër tij dhe më pas të deklarohet.
E dyshuara e tretë në rastin “Haraçi” Katica Janeva, gjithashtu dje refuzoi të jep dëshmi duke kërkuar që t’i sheh dëshmitë që Prokuroria i ka kundër saj.
Ndërsa i dyshuari i dytë Zoran Milevski, para disa ditësh u lirua nga paraburgimi, ndërsa iu shqiptua masa e arrestit shtëpiak.
