Propaganda nuk duhet të përdoret në luftën kundër propagandës, historia ka treguar që është një qasje shumë e gabuar, lufta kundër propagandës drejtohet nga fakte dhe njerëz të trajnuar mirë në të gjitha sferat, tha Marshalli i Forcës Ajrore, Stuart Pitch në një intervistë për “AIM”.
Në lidhje me pritjet e rritjes së numrit të lajmeve të rreme përpara zgjedhjeve tona të ardhshme, por edhe se si anëtarësimi në NATO mbron nga ky fenomen, Pitch thekson se NATO ka një strategji, por fakti është se ambienti i informacionit është një sfidë dhe ka njerëz që krijojnë narracione alternative, narracione false që falsifikojnë imazhet, dhe kjo ndodh gjatë gjithë kohës.
“Ata po përdorin teknologjinë në mënyrë të gabuar. Kjo është arsyeja pse ne kemi nevojë për një strategji për të pasur informacion të besueshëm, kemi nevojë për një strategji për të mbrojtur bazat e të dhënave, rrjetet dhe sistemet e IT-së, njerëzit tanë të verifikohen siç duhet dhe ata që kanë qasje në informacionin e klasifikuar të kenë çertifikata të duhura”, tha Pitch.
Ai tha se ka shumë hapa që mund të ndërmarrim, por ekziston edhe çështja e mos përdorimit të propagandës në luftën kundër propagandës. Historia ka treguar se është zgjedhja e gabuar. Ne luftojmë kundër propagandës me fakte, japim informacion të verifikuar dhe jemi shumë të kujdesshëm derisa të marrim informacion të verifikuar.
Pitch, i cili kryeson trupin e lartë këshillimor të NATO-s, që dje po qëndron për vizitë në vendin tonë.
