Maqedonia e Veriut ka vendosur që t’ua mbyll dyert disa shteteve të rajonit, duke përfshirë edhe Kosovën si masë parandaluese kundër pandemisë që ka shkaktuar koronavirusi.
Qeveria e Maqedonisë së Veriut ka nxjerrë një vendim me anë të të cilit ka vendosur që t’i mbyll kufijtë me Kosovën.
Sipas mediave për të kaluar kufirin Kosovë – Maqedoni duhet që qytetarët ta kenë bërë testin ndaj koronavirusit, i vlefshëm jo më pak se 72 orë.
Ndërsa, ministri i Shëndetësisë, Armend Zemaj, në Pressing, e ka komentuar këtë vendim duke thënë se është e padrejtë që Maqedonia e Veriut të kërkojë test nga qytetarët e Kosovës.
“E padrejtë të kërkohet testi nga Maqedonia e Veriut”, ka thënë Zemaj.
