Qendra për Liri – CIVIL ju bën thirrje qytetarëve të ndihmojnë për revidimin e listës së votuesve dhe të paraqesin parregullsi. Sipas CIVIL, qytetarët mund të bëjnë inspektim publik në listën e votuesve deri më 9 shtator në mesnatë.
“Pavarësisht nga vlerësimi i KSHZ se inspektimi në listën e votuesve dhe qytetarëve është i mirë, CIVIL apelon deri te të gjithë qytetarët me të drejtë vote, që sa më shpejtë të kontrollohen dhe të paraqesin parregullsi, gjegjësisht nëse është e nevojshme të bëhet plotësim, anulim ose regjistrim në listën e votuesve”, thonë nga CIVIL.
Ata shtojnë se listën e votuesve mbetet të jetë sfidë për Komisionin Shtetëror Zgjedhor, pavarësisht nga orvatjet për revidim.
“Duke pasur parasysh përvojën e nga e kaluara, por edhe gjendjen e Listës Votuese në deklarimet e referendumeve gjatë muajve të kaluar, CIVIL ka konstatuar se përveç kyçjes së institucioneve relevante në zgjidhjen e problemeve me listën e votuesve, KSHZ ka nevojë për ndihmë dhe bashkëpunim nga elektorati dhe organizatat e shoqërisë qytetare”, shtojnë nga CIVIL.
Komisioni Shtetëror Zgjedhor, për zgjedhjet lokale më 15 tetor parashikon dy mënyra për kontrollimin e listën e votuesve, në Komisionet Komunale Zgjedhore ose me kontrollim elektronik.
CIVIL rekomandon, nëse kanë mundësi qytetarët t’i shfrytëzojnë dy mënyrat për inspektim në listën e votuesve, me qëllim të ndihmojnë në harmonizimin e të dhënave.
Deri më 3 shtator, sipas raportit të KSHZ, gjithsej 16.319 qytetarë janë kontrolluar në listën e votuesve.
Gjatë kësaj jave, CIVIL do të del me këndvështrim dhe analizë në temën e listës së votuesve, të bazuar në të dhënat e deritanishme dhe paraqitjeve nga qytetarët.
