Fotografitë ekskluzive të siguruara nga DailyMail tregojnë Jennifer Lopezin dhe Ben Affleckun duke mbërritur në një spital të premten pasdite, ndërsa nëna e Benit pësoi një aksident në shtëpinë e djalit të saj në Georgia.
Një burim i tha DailyMail se nëna e Benit, Christopher Anne Boldt, ra nga një dërrasë dhe preu këmbën e saj në pronën Riceboro. Ben thuhet se e gjeti atë dhe thirri ambulancën.
J.Lo mbërriti e veshur me një fustan veror dhe një çantë “Dior”, pas urgjencës mjekësore në pronën ku ajo dhe Ben po organizojnë dasmën e tyre luksoze këtë fundjavë.
Ndërkohë Affleck mund të shihej duke ecur dhe duke pirë një cigare jashtë ndërtesës, i veshur me një bluzë dhe pantallona të shkurtra, me kapelën e bejsbollit të vendosur mbrapsht. Fytyra e tij ishte pjesërisht e errësuar nga një maskë dhe thonjtë e tij dukeshin të lyer me të kuqe.
Një burim i tha DailyMail se incidenti ishte ‘jo serioz’.
Por në skenat dramatike të dëshmuara, ambulanca u fut me shpejtësi në pronën Riceboro rreth mesditës, duke kaluar njëzet minuta në pronë përpara se automjeti i Qendrës Mjekësore të Liberty County të përshpejtonte në veri.
Ambulanca në disa raste udhëtoi me shpejtësi 120 km/h në autostradë nën shoqërimin e policisë.
Ceremonia e martesës do të niste me një darkë këtë mbrëmje, por fluksi i vazhdueshëm i furgonëve që përmbanin pajisje muzikore dhe sende feste u ndërpre pak pas mesditës.
Fillimi dramatik i festimeve të dasmës erdhi pikërisht kur të ftuarit filluan të mbërrinin për ngjarjet e pasdites, ku një mik i çiftit ngeci në një varg makinash të ndaluara nga sigurimi, ndërsa urgjenca mjekësore bënte punën e saj.
Lopez, 52 vjeçe dhe Affleck, 50 vjeç, do të fillojnë të festojnë martesën e tyre më vonë sot, me ceremoninë kryesore të shtunën dhe një mbledhje familjare të planifikuar për të dielën.
