Këtë të enjte parlamenti shqiptar mblidhet në seancën e rradhës ku në foksur të diskutimeve do të jenë dy dekretet e Metës për “Noterinë” e “Kadastrën”.
E teksa për ligjin për Noterinë maxhoranca e ka bërë të qartë se do ta kalojë me shumicë kartonësh, dy ditë më parë në komisionin e ligjeve, deputetët e PS dhe të opozitës bashkuan votat për të pranuar dekretin e Presidentit në lidhje me draftin e “Kadastrës”.
Këshilltari Ligjor i Metës u shpreh se ligji shkelte kushtetutën, një fakt që u pranua nga opozita dhe u nënkuptua nga socialistët, të cilët thanë se do ta dërgonin ligjin për rishikimin.
Mbetet për t’u parë se çfarë do të ndodhë këtë të enjte në parlament, pasi në sallë do të jenë të pranishëm edhe deputetët e opozitës.
