Kryetarja e Aleancës së Grave Deputete Dhurata Çupi reagon ndaj gjuhës degraduese të Edi Ramës kundër deputetes Albana Vokshi.
Nëse kryeministri është mësuar t’ia pranojnë gratë që e rrethojnë, kjo nuk ndodh me kolegët deputetë, të cilat bëjnë detyrën e tyre, thekson ndër të tjera ligjvënësja demokrate.
Reagimi i plotë i deputetes së PD-së
Një kryeministër për burrat dhe oligarkët. Shqiptarët tashmë e dinë se Edi Rama nuk i honeps dot gratë e madje i dhunon ato edhe publikisht.
Shqiptarët e njohin Edi Ramën përmes talljeve që iu adreson burrave në pseudotakimet me qytetarët të cilët i shpotit në marrëdhëniet familjare dhe specifikisht gratë.
Ky kryeministër nuk ka të ndalur në sjelljen e tij harbute, dhe këtë u përpoq të bëjë edhe me kolegen tonè, deputeten Albana Vokshi.
Kjo është një sjellje krejtësisht e padenjë për një kryeministër por për Ramën me sa duket është normalitet.
Nëse kryeministri është mësuar t’ia lejojnë e t’ia pranojnë gratë që e rrethojnë , kjo nuk mund të tolerohet nga ato zonja gra që bëjnë detyrën e tyre por që nuk i shkojnë pas avazit.
Zoti Rama e di që deputetja Albana Vokshi të ka prishur qetësinë me denoncimet e keqqeverisjes tënde, por reagimi yt në atë mënyrë është tregues i zënies ngushtë me fakte dhe detyrohesh të bësh sjellje të tillë.