Meta takon ndaras Gjukanoviqin e Dodikun - Bota Sot
Meta takon ndaras Gjukanoviqin e Dodikun

Shqipëria

Meta takon ndaras Gjukanoviqin e Dodikun

Më: 9 maj 2019 Në ora: 00:05
Meta, Gjukanoviq

Presidenti i Shqipërisë, Ilir Meta, zhvilloi pasditen e sotme takime me autoritete të larta shtetërore nga rajoni, të cilët kanë mbërritur në Tiranë për të marrë pjesë në samitin e Brdo – Brionit.

Kështu, Meta zhvilloi një takim me kryetarin e Presidencës së Bosnjës dhe Hercegovinës, Milorad Dodik dhe anëtarin e Presidencës, Šefik Džaferović.

“Prania e tyre në Samitin e Brdo-Brionit në Tiranë, kontribut i çmuar për një rajon të orientuar qartë ndaj vlerave europiane”, tha Meta pas takimit, duke shtuar se palët shprehën vullnetin e përbashkët për hapjen e ambasadave respektive në të dy vendet. “Besimplotë për të ardhmen e shkëlqyer të marrëdhënieve midis Shqipërisë e Bosnjë dhe Hercegovinës”, tha Meta.

Po këtë pasdite, presidenti Meta takoi edhe presidentin e Malit të Zi, Milo Gjukanoviq.

“E vlerësoj praninë e tij në Samitin e Brdo-Brionit, duke e konsideruar një aktor kyç për forcimin e bashkëpunimit rajonal. Marrëdhënie të shkëlqyera miqësore e historike midis dy vendeve tona”, tha Meta.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...