Është qëlluar me armë zjarri në drejtim të banesës së një 26-vjeçari në Selenicë të Vlorës.
Ngjarja ka ndodhur rreth orës 01:00 të natës.
Autorë ende të paidentidifikuar kanë qëlluar pranë shtëpisë së Xhuljo Marajt.
I riu rezulton person pa precedent penal nga policia e Vlorës. Ndërsa nga të shtënat për fat të mirë nuk ka pasur persona të lënduar.
Policia thotë se "në rrethana ende të paqarta është qëlluar me armë zjarri në pjesën e jashtme të murit të banesës së 26 vjeçarit Xh.M, në Selenicë".
Grupi hetimor ndodhet në vendngjarje ku po kryen veprimet e mëtejshme hetimore në lidhje me identifikimin dhe kapjen e autorit.
