Gjoba dhe rrëmbime, zbulohet fotoja e mafiozit kinez që u arrestua në Rinas - Bota Sot
Gjoba dhe rrëmbime, zbulohet fotoja e mafiozit kinez që u arrestua në Rinas

Shqipëria

Gjoba dhe rrëmbime, zbulohet fotoja e mafiozit kinez që u arrestua në Rinas

Më: 13 qershor 2019 Në ora: 23:34
Fotoja e mafiozit kinez që u arrestua në Rinas

Një 25-vjeçar nga Kina u arrestua dje në Rinas, pasi ishte në kërkim ndërkombëtar. Ai është Guanghui Lai dhe akuzohet për gjobëvënie në vendin e tij, ndërsa Interpoli i Pekinit ka lëshuar edhe një urdhër arresti për të, ku tani pritet që të ekstradohet. Shqiptarja zbulon edhe foton e tij.

Sipas zyrës së Sigurisë Publike të Bashkisë Goazhou në Kinë, ai është një prej anëtarëve kryesorë në një grupi kriminal të tipit mafioz të cilët merrnin përfitime ekonomike nëpërmjet dhënies me fajde, hapjes së kazinove, kumarit dhe marrjes me dhunë të borxheve.

Kinezi ka ardhur në vendin tonë duke ndjekur itinerarin nga Hong Kong-u në Turqi dhe më pas në Shqipëri. Ndërkohë edhe pse ndaj tij në sistemin TIMS kishte urdhër arresti dhe është me rrezikshmëri të lartë, përsëri nuk është ndaluar nga Hong Kong-u apo Turqia. Ndërkohë po kryhen hetime se kush po e priste ne Tiranë, ndërsa në polici ai ka deklaruar se vinte si turist.

Në vitin 2013, ky shtetas së bashku me pjesëtarë të tjerë të grupit, kanë rrëmbyer një person, X.L,  duke e detyruar atë të ripaguajë një borxh, në vlerën e 3.8 milion Yuan kinez. Po ashtu në vitin 2014, në të njëjtën mënyrë ka detyruar shtetasin Ë.H, që të paguajë një hua duke e detyruar atë të shesë 23 suita, 40 vend parkime dhe 6 automjete me çmimin shumë të ulët.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...