Këshilli i Emërimeve në Drejtësi ka vendosur të lejojë kandidimin e Marsida Xhaferllarit për vendin vakant të Inspektorit të Lartë të Drejtësisë.
Ky vendim u mor në mbledhjen e sotme të KED, pasi u shqyrtuan aktet dhe procedurën e ndjekur për verifikimin e kandidates Marsida Xhaferllari dhe dokumentacionin e përgatitur lidhur me plotësimin e kushteve ligjore për kandidim dhe pasi KED dëgjoi mendimin e përfaqësuesit të Avokatit të Popullit lidhur me procedurën e ndjekur në verifikimin e kandidaturave.
Këshilli vendosi gjithashtu që të shtyjë vendimmarrjen në mbledhjen e programuar të KED që do të zhvillohet në datën 09.08.2019, për të siguruar përmbushjen e plotë të procedurës së njoftimit të vendimeve të ndalimit të kandidimit të dhëna nga ky Këshill, lidhur me kandidatët që rezultojnë si kandidatura të këtyre vendeve vakante.
