Basha takon ambasadorin gjerman: Ka tek unë një partner për të zgjidhur krizën - Bota Sot
Basha takon ambasadorin gjerman: Ka tek unë një partner për të zgjidhur krizën

Shqipëria

Basha takon ambasadorin gjerman: Ka tek unë një partner për të zgjidhur krizën

Më: 22 gusht 2019 Në ora: 14:43
Lulzim Basha

Kryeopozitari Lulzim Basha është takuar sot me ambasadorin e ri të Gjermanisë, Peter Zingraf, me të cilin ka biseduar edhe për krizën politike në vend. Pas takimit, Basha deklaroi se gjermanët “kanë tek unë një partner për të hedhur çdo hap që zgjidh krizën sipas standardeve, normave dhe parimeve europiane.”

Basha komentoi edhe vendimin e Prokurorisë së Krimeve të Rënda për të kaluar në Prokurorinë e Dibrës dosjen 184.

“Arta Marku dhe Donika Prela dy Katicat e Edi Ramës. Mbyllja e dosjes 184 nga Katicat e Ramës bëhet për të hequr dosjen nga SPAK. Katicat e Ramës në prokurori duhet të ndiqen penalisht për shpërdorim detyre”, tha kreu i demokratëve.

Çështja e Agim Kajmakut, kryebashkiak i Vorës, u komentua gjithashtu nga kryeopozitari Basha. Sipas tij, Kajmaku është me dosje të hapur penale në Greqi dhe për këtë fakt është në dijeni edhe kryeministri Edi Rama.

“Edi Rama e njeh dosjen penale  të Agim Kajmakut. E kanë informuar partnerët ndërkombëtarë. Pyetja ështe edhe sa kryebashkiakë të kriminalizuar ka futur Edi Rama?”, tha ai.

Basha theksoi se “kriza politike zgjidhet me zgjedhje të lira e të ndershme, të garantuara nga një qeveri tranzitore pa Edi Ramën.”

“Shkodra, Vora dhe lidhjet e Rilindjes me krimin tregojnë se Shqipëria është në udhëkryq të rrezikshëm dhe duhet të dalë prej saj”, deklaroi kreu i PD-së.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...