Kapërcimi i krizës politike, Meta në Strasburg takon zyrtarin e Këshillit të Evropës - Bota Sot
Kapërcimi i krizës politike, Meta në Strasburg takon zyrtarin e Këshillit të Evropës

Shqipëria

Kapërcimi i krizës politike, Meta në Strasburg takon zyrtarin e Këshillit të Evropës

Më: 18 shtator 2019 Në ora: 13:35
Ilir Meta dhe Andreas Kiefer

Presidenti i Republikës, Ilir Meta ka zhvilluar në Strasburg një takim me Sekretarin e Përgjithshëm të Kongresit të Autoriteteve Lokale dhe Rajonale të Këshillit të Europës, z.Andreas Kiefer.

Në një postim në rrjetet sociale, Kreu i Shtetit thotë se me zyrtarin e KiE kanë diskutuar për zgjidhjen e krizës politike në Shqipëri.

“Takim konstruktiv në Strasburg me Sekretarin e Përgjithshëm të Kongresit të Autoriteteve Lokale dhe Rajonale të Këshillit të Europës, z.Andreas Kiefer.

Shkëmbyem mendime të vlefshme për mbështetjen që Kongresi mund të japë në kapërcimin e krizës së qeverisjes vendore në Shqipëri pas 30 qershorit, në përmbushjen e standardeve demokratike që vendet anëtare të këtij institucioni, sikundër është vendi ynë, janë të obliguar të respektojnë dhe për ndërmarrjen e hapave konkretë nga ana e Kongresit në këto drejtime.

U dakordësuam për domosdoshmërinë e një misioni të Kongresit në Shqipëri në një kohë sa më të afërt. Demokracia në radhë të parë është vendore’, shkruan Meta.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...