Meta pas tërmeteve: Përgjegjshmëri maksimale për evidentimin e pasojave - Bota Sot
Meta pas tërmeteve: Përgjegjshmëri maksimale për evidentimin e pasojave

Shqipëria

Meta pas tërmeteve: Përgjegjshmëri maksimale për evidentimin e pasojave

Më: 23 shtator 2019 Në ora: 16:34
Ilir Meta

Presidenti i Shqipërisë Ilir Meta, pas situatës së tërmeteve që tronditën vendin, kërkoi ruajtjen e qetësisë nga të gjithë, derisa vuri theksin në rëndësinë e bashkëpunimit dhe solidaritetit njerëzor, pa përjashtim, për normalizimin e plotë të situatës.

“Transparenca dhe përgjegjshmëria maksimale për evidentimin e pasojave është tepër e rëndësishme në këto momente. Në veçanti, vlerësimi teknik i banesave, pallateve dhe godinave të dëmtuara është tepër i domosdoshëm për të ardhmen”, tha ai.

Duke vlerësuar solidaritetin e vendeve partnere dhe BE-së, presidenti Meta i kërkon qeverisë të ftojë zyrtarisht edhe Agjencinë Ndërkombëtare të Energjisë Atomike, që ka kapacitetet e duhura për të përcaktuar sigurinë dhe rezistencën e banesave, pallateve dhe godinave të dëmtuara nga kjo fatkeqësi natyrore.

“Keqpërdorimi nga kushdo i kësaj situate, nuk është rruga e duhur për të përballuar një shqetësim të përgjithshëm, në mënyrë të bashkuar dhe të përgjegjshme, vetëm në interes të qytetarëve të traumatizuar nga tronditjet dhe pasojat në banesat e pronat e tyre. Të gjithë duhet të shtojnë kontributet pozitive dhe solidare në bazë të përgjegjësive institucionale, politike, shoqërore dhe qytetare”, është shprehur presidenti Meta./tch

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...