Ministrja e Mbrojtjes, Olta Xhacka, e ka shënuar edhe një skandal me rastin e nderimit të shteteve që kanë ndihmuar Shqipërinë për tërmet. Në mesin e flamujve të vendosur para delegacioneve ndërkombëtare ka munguar ai i Republikës së Kosovës.
Flamuri i Republikës së Kosovës dhe as i Forcave të Sigurisë së Kosovës nuk është vendosur në vendin ku janë vendosur flamujt e shteteve tjera që kanë ndihmuar Shqipërinë të tejkalojë situatën e pas tërmetit.
Kështu, Ministrja e Mbrojtjes Olta Xhacka, bashkë me Kryeministrin Edi Rama kanë nderuar delegacionet ushtarake dhe civile të shteteve tjera.
“Miqtë e vërtetë njihen në ditë të vështira dhe kurrë më shumë se këto ditë, kjo shprehje s’ka patur kaq shumë vlerë. Mbi 250 specialistë nga vende fqinje, mike e partnere na u gjendën pranë, që në orët e para të 26 Nëntorit.
Faleminderit secilit prej tyre, për kontributin dhe sakrificën gjatë operacioneve të kërkim shpëtimit. Një komb i tërë u është mirënjohës!”, shkroi Ministrja e Mbrojtjes.
