Arrestohet 47 vjeçari, do ekstradohet drejt Gjermanisë - Bota Sot
Arrestohet 47 vjeçari, do ekstradohet drejt Gjermanisë

Shqipëria

Arrestohet 47 vjeçari, do ekstradohet drejt Gjermanisë

Më: 2 qershor 2020 Në ora: 18:36
Ilustrim

Policia e Kukësit ka njoftuar se ka arrestuar një 47 vjeçar që kërkohej nga interpoli. Ai është një shtetas kosovar dhe do të ekstradohet drejt Gjermanisë.

H.H është i shpallur në kërkim ndërkombëtar për veprën penale “Vjedhja në rrethana rënduese”.

Morinë/Kukës

Arrestohet me qëllim esktradimi drejt Gjermanisë, një shtetas kosovar i shpallur në kërkim ndërkombëtar për veprën penale “Vjedhja në rrethana rënduese”.

Kapja, nga Policia Kufitare, në bashkëpunim me Interpol Tirana.

Shërbimet e Policisë Kufitare, me rihapjen e kufijve, kanë marrë masa duke shtuar kontrollet për kapjen e personave në kërkim, si dhe për parandalimin dhe goditjen e krimeve ndërkufitare.

Në hyrje të Pikës së Kalimit Kufitar të Qafë Morinës, shërbimet e Policisë Kufitare, në bashkëpunim me Interpol Tirana, bënë kapjen dhe ndalimin e shtetasit të shpallur në kërkim ndërkombëtar H. H. (K)., 47 vjeç, banues në Smolicë, Kosovë.

Ky shtetas ishte shpallur në kërkim ndërkombëtar, pasi Gjykata Lokale Geilenkirchen/Gjermani i ka vendosur masën e sigurimit ‘Arrest në burg’, për veprën penale “Vjedhja në rrethana rënduese”. Maksimumi i dënimit për këtë vepër penale është 10 vjet burg.

Në përfundim të veprimeve hetimore, specialistët e Seksionit për Hetimin e Krimit në Komisariatin e Policisë Tropojë bënë arrestimin provizor të tij, me qëllim ekstradimin drejt Gjermanisë, mbështetur në Konventën Evropiane të Ekstradimit.

Shfaq komentet
comments powered by Disqus
Sot mund të lexoni Shfletoni kopertinat