Pas kryerjes së tamponit në aeroportin e Perugias, 12 persona të kthyer nga Shqipëria në Itali kanë rezultuar pozitiv me koronavirus.
Të infektuarit kanë udhëtuar me të njëjtin fluturim nga Tirana ditën e dielë më 23 gusht dhe janë identifikuar gjatë kontrolleve të kryera në aeroport, ku nga të gjitha fluturimet e mbërritura nga vende të ndryshme, 20 persona kanë rezlutuar pozitive e 12 prej tyre i përkasin udhëtimit nga Shqipëria.
Tamponë të detyrueshme për çdo person që nga Shqipëria hyn në territorin e rajonit të Umbrias, është një nga urdhëresat e fundit të firmosura pak ditë më parë nga guvernatorja e këtij rajoni Donatella Tesei, raporton tv ora.
Disa vatra infektimi në këtë territor i përkasin personave të kthyer nga Shqipëria. Fakt që ka shtyrë autoritetet shëndetësore lokale të kërkojnë kryerjen e tamponeve dhe për personat që vijnë nga vendi ynë, edhe pse në nivel kombëtar Shqipëria është në listën e vendeve që kërkohet vetëm një karantinim i besueshëm për 14 ditë.
“Nga analizimi i të dhënave të fundit të pandemisë në rajonin e Umbrias është verifikuar se 80% e rasteve pozitive i përkasin personave që janë kthyer nga një udhëtim jashtë rajonit. Nuk mund të lejojmë që për pakujdesi pesonale të penalizohet një komunitet i tërë”-shprehet këshilltari komunal për shëndetin Luca Coletto.
“Gjithashti ai shtoi se duhet të garantojnë shëndetin publik të territorit dhe me nisjen e vitit të ri shkollor, prandaj kanë kërkuar tampone të detyrueshme për të gjithë ata që kthehen nga një udhëtim nga Spanja, Malta, Kroaci , Greqia e Shqipëria.