Kryeministri Edi Rama takoi sot banorët e Shijakut ku inspektoi shtëpitë e rindërtuara pas tërmetit të 26 nëntorit.
Sipas kreut të qeverisë 567 familje janë rikthyer në shtëpinë e re, ndërtuar nga shteti dhe 252 të tjera kanë marrë fondin në dorë, me kërkesë të tyre.
Kryeministri sot ka vizituar shtëpinë e një personi me aftësi të kufizuar, i cili ishte në karrocë. Teksa kanë hyrë në shtëpi Rama e ka ndihmuar kryefamiljarin me karrocën që të futej në shtëpi.
Pjesë nga biseda:
Rama: Si të kam?
Kryefamiljari: Mirë se na erdhe. U bë realitet ardhja jote në shtëpinë time
Rama: Hajde të të ndihmoj unë…si e ke, të të ndihmoj unë?
Kryefamijari: Nuk lëviz dot unë
Rama: Po me kto me rrotat, ja të ndihmoj unë meqë m’ke kërkur të vi unë, të shtyj
Kryefamiljari: Me vërte kam pas qef të takoj…
Rama: Hajde, udhëro këtu, këtu duhet pak ndihmë. Këtu duhet të bëjmë një rang, që të jetë më e lehtë
Kryefamiljari: Të ndihmoftë zoti.