Një 44-vjeçar është vënë në pranga pasi u kap duke shitur doza kanabisi në afërsi të shkollave në Vlorë.
Në kudër të operacionit “Tempull”, u zbulua se L. L., 44 vjeç pasi siguronte lëndë narkotike kanabis, e ndante në doza, të cilat i shiste më pas në qytet, kryesisht në afërsi të shkollave.
Gjatë kontrollit ndaj 44-vjeçarit, policia ka gjetur sasi lënde të dyshuar narkotike kanabis, të ndarë në rreth 500 doza, gati për shitje. Lënda narkotike u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.
