Analisti Andi Bushati, i ftuar në emisionin ‘Të Paekspozuarit’, duke analizuar qeverisjen 4 vjeçare të së majtës, e ka cilësuar kreun e qeverisë, Edi Ramën si ‘fyell’.
Fatos Lubonja: Një teatër i madh po ndodh, mitingje, trafik i tmerrshëm, rrugët janë si mos më keq. Kjo është një luftë për të shqyer Shqipërinë. Këtu vazhdon lufta edhe pas 25 viteve për të shqyer Shqipërinë. Pas marrëveshjes PS- PD, u spostua aksi, pasi tani është PD, plus PS, kundër partive të vogla dhe LSI.
Lubonja: Shpresoj që kryeministri të vij të bëjë një debat më të gjerë për të gjitha temat.
Zheji: Nëse Rama humbet numrin 71 të votave, humbet delirin e tij për të pasur vendimarrjen maksimale në ekzekutiv. Ilir Meta edhe në presionin e ri PD-PS, është kërcënuar për të mos pasur rolin e king makerit politik.
Shkullaku: Vajtja ime në çadër, unë atë reaksion e kam mbështetur pa komplekse. Kjo situatë është e paprecedentë, të treja partitë që bëjnë fushatë, të treja janë në qeveri. Si Rama dhe Basha kanë qeveri të përbashkët. Kulmi është që Rama godet qeverinë e tij dhe sulmon Ministrin e Transporteve, Hipotekave. Ministrat e LSI, gjatë këtyre katër viteve nuk janë përfolur në këto katër vite, por ministrat e rilindjes janë kampion si Ilir Beqaj, skandalet e Ministrisë së Mirqënies Sociale ku ishte Veliaj ,që nga droga etj ,dhe tani që duhet gjykuar qeveria, këta thon fajin e ka LSI. Karta më e dobët që ka Rama në këto zgjedhje është goditja nga LSI, e ka shpikur pasi nuk kishte kartë në këto zgjedhje.
Bushati: Edi Rama një fyell. Po të bëjmë një bilanc të kësaj qeverisje nuk ka nevojë të dëgjosh kritikët por të dëgjosh vetëm Ilir Metën dhe Edi Ramën. Fushata e Ramës sot, ngjan si ai fëmija që i thotë prindërit më jep dhe një mundësi se nuk gaboj më. Sulmonte në 2009 Metën e cilësonte hajdut, dhe në vitin 2013 tha, hajduti në sistemin tim bëhet i ndershëm, dhe i njëjti Ramë, thotë sot, më falni, nuk e ndryshova dot. Ore fyell ti nuk ke ndonjë pergjegjësi këtu.
Lubonja: Të gjithë po bëjnë opozitë dhe po bëjnë opozitë kundër vetes së tyre, bëjnë opozitë kundër qeverisjes dhe të treja palët janë në qeveri.
Lubonja: Një kopje e shëmtuar e fotos së Ramës, me Obabëm. Unë them shyqur që nuk shkova në çadër, del ky i Republikës së Re, të na genjejë ne me një fotografi me Trump. Kjo është një foto e bërë në një fushatë të një senatori dhe këto foto janë paguar, dhe nuk është takim, është thjesht foto. Këta po na trajtojnë si budallenjë, duke na treguar fotot.
