Ushtarët e Forcave të Armatosura të Shteteve të Bashkuara në skuadrën Charlie dhe ushtarët e Forcat e Armatosura të Shqipërisë, sapo kanë përfunduar një stërvitje të përbashkët në bazën McGuire-Dix-Lakehurst. Ka qenë vetë Ambasada e SHBA-së në Tiranë, ajo që ka postuar edhe foto nga stërvitja e përbashkët e ushtrive.
“Ushtarët e Forcave të Armatosura të Shteteve të Bashkuara në skuadrën Charlie, Batalionin e 2-të, të Këmbësorisë së 113-të, të Gardës Kombëtare të Ushtrisë së New Jersey, dhe ushtarët e Forcat e Armatosura të Shqipërisë, përfunduan një stërvitje të përbashkët në bazën McGuire-Dix-Lakehurst. Shqipëria ka qenë një shtet partner i New Jersey që në vitin 2001. Programi i Gardës Kombëtare për Shtetet Partnere është një program i Departamentit të Mbrojtjes së Shteteve të Bashkuara, i cili menaxhohet nga Garda Kombëtare e cila lidh shtete të SHBA me vende partnere në botë, me qëllimin për të mbështetur objektivat për bashkëpunim të Komandave Luftarake gjeografike në fushën e sigurisë. Për më shumë foto nga trajnimi i përbashkët, shihni albumin në faqen e Gardës Kombëtare të New Jersey në Flickr https://flic.kr/s/aHsmgZZU6N”, shkruhet në postimin e publikuar.