Ambasadorja franceze: Rama e Meta të gjejnë zgjidhje për Sandër Lleshaj - Bota Sot
Ambasadorja franceze: Rama e Meta të gjejnë zgjidhje për Sandër Lleshaj

Shqipëria

Ambasadorja franceze: Rama e Meta të gjejnë zgjidhje për Sandër Lleshaj

Më: 10 nëntor 2018 Në ora: 10:55
Christine Vasak

Ambasadorja franceze Christine Vasak nga Korça, komentoi përplasjen institucionale mes Presidentit e Kryeministrit për mosdekretimin e Sandër Lleshit si ministër të Brendshëm, duke theksuar se Kushtetuta është e qartë.

Sipas diplomates, Rama dhe Meta kanë eksperiencën e pjekurinë e duhur për të gjetur zgjidhje.

Vasak kërkoi zgjidhje urgjente për Gjykatën Kushtetuese pasi theksoi se kthimi i saj në funksion është i nevojshëm për demokracinë në vend.

Ambasadorja franceze: Unë mund të reagoj si juriste, por nuk më takon mua dhe kolegëve të mi të reagojmë për këtë situatë. Mendoj që, si kryeministri, ashtu edhe presidenti janë persona me eksperiencë në politikë që kanë shkëmbime permanente mes tyre dhe që, e dinë shumë mirë se çfarë duhet të ndodhë. Është e nevojshme, si në këndvështrimin e politikës së brendshme, ashtu edhe për politikën e jashtme dhe këtu duhet të kemi besim tek autoritetet kompetente që të gjejnë një zgjidhje, sepse vërtet është urgjente. Ecuria e Shqipërisë është e qartë ashtu siç është gjurmuar, ose janë ngritur vijat e përgjithshme 26 qershorin e vitit të kaluar dhe këtu bën pjesë lufta kundër korrupsionit dhe krimit të organizuar e të tjerat që ju i dini. Iniciativa domethënëse janë ndërmarrë, por duhet të ndiqen dhe të thjeshtohen. Duhet të kemi besim në autoritetet shqiptare për të ndjekur realizimin e objektivave sepse koha shpejton.

Dje kryeministri ridërgoi për dekret emrin e Sandër Lleshaj për postin e ministrit të Brendshëm. Ndërkohë me vendim qeverie Lleshaj mban postin e zv/ ministrit të Brendshëm që ka kompetencat e ministrit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...