Kryemadhi: Shqipërisë i ka rënë një sëmundje më e keqe se murtaja e kolera - Bota Sot
Kryemadhi: Shqipërisë i ka rënë një sëmundje më e keqe se murtaja e kolera

Shqipëria

Kryemadhi: Shqipërisë i ka rënë një sëmundje më e keqe se murtaja e kolera

Më: 1 dhjetor 2018 Në ora: 12:27
Monika Kryemadhi

Lëvizja Rinore për Integrim ngriti sot 12 shtabet elektorale të lëvizjes rinore që do të drejtojnë fushatën e zgjedhjeve lokale të qershorit 2019.

Kryetarja e LSI-së, Monika Kryemadhi ftoi të rinj të angazhohen për të nxjerrë Shqipërinë nga situata ku ndodhet.

Monika Kryemadhi: "Ashtu si dikur në mesjetë binte murtaja apo kolera, sot në Shqipëri ka rënë një sëmundje shumë e madhe dhe e rrezikshme. Mungesa e besimit dhe e shpresës. Që për ne do të thotë shkrirje dhe reduktim total.

Nëse ne nuk do të kemi të rinj dhe të reja që duan të ndërtojnë të ardhmen e tyre në Shqipëri nuk mund të ketë një shtet që ndërton institucione të forta. Nëse ne do të kemi të rinj e të reja që duan të ikin një orë e më parë për të mos e kthyer më kokën prapa nuk do të kemi më mësues, inxhinierë, mjekë, lidera që të drejtojnë këtë vend në rrugën e duhur, sepse, për hir të së vërtetës, në këto 27 vite klasa politike ka punuar mbrapsht. Ku pjesë e saj jemi dhe ne politikanët e vjetër të politikës shqiptare sepse duhej ta kishim ngritur zërin shumë kohë më përpara. Por më mirë vonë sesa kurrë.." 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...